சம்பந்தமே இல்லாமல் ஒரு பதிவு.

என் 4 வயதுப் பெண் க்ரியா அவ்வப்போது சூப்பர் கலக்கு கலக்குவாள். இப்போதுதான் கிண்டர்கார்டனில் சேர்ந்திருக்கிறாள். ஒரு முறை ஏதோ பெரிய எண்களைப் பற்றி பேச்சு வந்தது. அவலது 9 வயது அக்கா ஸ்ரேயா அவளுக்கு Infinity is the biggest number என்று சொல்லிக்கொடுத்திருக்கிறாள் போல. “எதுடா பெரிய நம்பர்” என்று நான் கேட்டேன். க்ரியா முதலில் Infinity என்று சொன்னாள். பிறகு கொஞ்சம் யோசித்து “One hundred” என்று சேர்த்துக் கொண்டாள். பிறகு இன்னும் ஒரு 15 வினாடிகள் யோசித்தாள். எல்லா உண்மைகளையும் புரிந்துகொண்டுவிட்ட சந்தோஷத்துடன் “Infinity, one hundred, AND thirteen! They are the biggest numbers appa” என்று சொன்னாள்!