சில பிரச்சினைகள் « அவார்டா கொடுக்கறாங்க?

கம்ப்யூட்டர் ஸ்க்ரீன் கெட்டுப்போய்விட்டது. பாதி ஸ்க்ரீன் தெரிவதில்லை. இதில் பதிவு எழுதுவது கஷ்டமாக இருக்கிறது. ஏதோ தட்டு தடுமாறி மெயில் பார்த்துக்கொண்டும், என்னுடைய சில ப்ராஜெக்ட்களை செய்துகொண்டும் காலத்தை ஓட்டுகிறேன். இதை ரிப்பேர் செய்ய கேட்கப்படும் பணம் புது கம்ப்யூட்டர் விலைக்கு கிட்டத்தட்ட வருகிறது. கிருஸ்துமஸ் சமயத்தில் கொஞ்சம் சீப்பாக கிடைக்குமோ அப்போது புது கம்ப்யூட்டர் வாங்கலாமோ என்று ஒரு எண்ணம். அதனால் பதிவு கிதிவு எல்லாம் எழுத சோர்வாக இருக்கிறது. சிறுகதை வாரம் பாதியில் நின்ற கதை இதுதான். சிவாஜி வாரம் என்று ஒன்று ஆரம்பிக்க போட்டிருந்த திட்டமும் ஆஃப் ஆகிவிட்டது. எழுத நிறைய விஷயம் இருக்கிறது, நேரம் குறைவாக இருப்பதும், கம்ப்யூட்டர் கெட்டுப் போயிருப்பதும் கஷ்டப்படுத்துகின்றன…

பதிவு என்று எழுதினால், அதுவும் சினிமா பற்றி எழுதினால் பாட்டு எங்கே கிடைக்கும், ஸ்டில் எங்கே கிடைக்கும் என்று தேடுவது வழக்கம். கொஞ்ச நாளைக்கு அதெல்லாம் விட்டுவிட்டு நான் ஒருவனே input என்ற ரேஞ்சில்தான் எழுதப் போகிறேன். அதுவும் ரொம்ப ரெகுலராக எழுதமுடியாது. இந்த கம்ப்யூட்டரில் இப்போதைக்கு அதுதான் சரிப்படும்.

பக்சும் வேலைப் பளுவில் மூழ்கி இருக்கிறான். என் அம்மா சொல்லும் பழமொழி ஒன்று நினைவு வருகிறது – அவன் நல்ல நாளிலேயே தில்லைநாயகம்.

பிரச்சினைகள் சீக்கிரமே தீரும் என்ற நம்பிக்கையோடு
ஆர்வி

சாரதா சொல்கிறார்:

அக்டோபர் 16, 2009 at 12:17 பிற்பகல்

டியர் ஆர்.வி.
உங்கள் பிரச்சினை புரிகிறது. எனக்கும் இம்மாதிரி பிரச்சினைகள் வரும்போது, ‘அடடா, ஒரு ஜீ…பூம்பா பூதம் இருந்தால் எவ்வளவு நன்றாக இருக்கும்’ என்று நடைமுறைக்கு ஒவ்வாத கற்பனைகள் தோன்றும்.

சிலருக்கு கம்ப்யூட்டர் இருந்தால் அவர்கள் மட்டுமே பார்த்து மகிழ்வார்கள். சிலரோ தானும் மகிழ்ந்து மற்றவர்களையும் மகிழ்விப்பார்கள். நீங்கள் இரண்டாவது ரகம். அதற்காகவேனும் விரைவில், ‘குறைந்த விலையில் சிறந்த கம்ப்யூட்டர்’ கிடைக்க வாழ்த்துகிறேன். விரும்புகிறேன். பிரார்த்திக்கிறேன்.

பதில்

அக்டோபர் 16, 2009 at 12:19 பிற்பகல்

சமீபத்தில் ‘கணேஷ்-வசந்த்’ பக்கங்களிலெல்லாம் மேய்ந்து சில மறுமொழிகள் இட்டிருக்கிறேன். நல்ல கம்ப்யூட்டர் வந்ததும் பாருங்கள். (இப்போது கஷ்ட்டப்பட வேண்டாம்).