அடுத்த வாரப் படங்கள் (Week of Aug 25)


திங்கள் – காஞ்சித் தலைவன். 1962-இல் வந்தது. எம்ஜியார், பானுமதி, எஸ்.எஸ்.ஆர்., விஜயகுமாரி, அசோகன், எம்.ஆர். ராதா நடித்தது. பெரிய அளவு வெற்றி பெறவில்லை. வழக்கம் போல மினிமம் காரண்டி இருந்திருக்கும். இந்தப் படத்தை பார்த்ததும் ஒரு கதை. அப்போது எனக்கு 13, 14 வயதிருக்கும். அப்போதுதான் நாங்கள் சென்னைக்கு அருகே உள்ள கூடுவாஞ்சேரி என்ற புகழ் பெற்ற ஒரு சிற்றூருக்கு குடி வந்திருந்தோம். இப்போது பெரிய துணை நகரமாக இருக்கும் என்று நினைக்கிறேன். கோடை விடுமுறை சமயம். என் அத்தை பையன் ரமேஷ் அங்கே வந்திருந்தான். சென்னையை ஒரு புயல் கடந்து சென்றிருந்தது. பெரிய மழை அடித்து அன்றுதான் கொஞ்சம் ஓய்ந்திருந்தது. மழையில் மாட்டிக்கொண்ட நாங்கள் வெளியே எங்கும் போகமுடியாமல் தவித்துக்கொண்டிருந்தோம். புதிய ஊர் வேறு, நண்பர்கள் யாரும் இல்லை. திடீரென்று மதியம் படம் பார்க்க கிளம்பினோம். அப்போதெல்லாம் கூடுவாஞ்சேரியில் ஒரு தியேட்டர்தான் – ஊரின் வடகோடியில். எங்கள் வீடு தென்கோடியில். 2 மைல் தூரமாவது இருக்கும். எங்களுக்கு என்ன படம் என்று தெரியாது, மாட்டினி ஷோ எப்போது என்றும் தெரியாது. வீட்டில் பைத்தியம் பிடித்தது போல் இருந்ததால் வெளியே கிளம்பினோம் அவ்வளவுதான். தெருக்களில் புயல் எஃபெக்டில்னால் நடமாட்டமே இல்லை. போகும் வழியில் போஸ்டர் பார்த்து மாட்டினி டைம் 1 மணி என்றும் படம் காஞ்சித் தலைவன் என்று தெரிந்துகொண்டொம். மணியோ ஒன்றே முக்கால். மிஸ் ஆகும் 45 நிமிஷங்களைப் பற்றீ கவலைபடும் நிலையில் நாங்கள் இல்லை. ஓட்டமும் நடையுமாக அந்த வெங்கடேஸ்வரா தியேட்டருக்குப் போனோம். போய் டிக்கெட் கெட்டால் அங்கே “10 பேர் வந்தால் படம் போட்டு விடுகிறொம், உங்களையும் சேர்த்து இது வரை 4 பேர் வந்திருக்கிறர்கள்” என்றார்கள்! 15 நிமிஷம் வெயிட் செய்து, 10 பேர் ஆள் சேர்த்து, ஏதோ இமாலய சாதனை செய்த திருப்தியோடு படம் பார்த்தோம். எம்.ஆர். ராதா பாடும் “உலகம் சுத்துது எதனாலே?” என்ற பாட்டு இன்னும் ஞாபகம் இருக்கிறது. “ஒரு கொடியில் இரு மலர்கள்” நல்ல பாட்டு.

செவ்வாய் – பூவும் பொட்டும். இந்தப் படத்தை பற்றி ஒன்றும் தெரியாது. “நாதஸ்வர ஓசையிலே தேவன் வந்து பாடுகிறான்” என்ற பாட்டை கேட்டிருக்கிறேன், இந்த படத்தில்தான் என்று ட்ரெய்லரைப் பார்த்து தெரிந்து கொண்டேன். ஏ.வி.எம். ராஜன் நடித்த படமாம்.

புதன் – Hello பார்ட்னர். சன் டிவிக்கு படம் எதுவும் கிடைக்கவில்லையா? இதெல்லாம் தமிழ் சினிமாவின் சாதனையா? “வெட்கம், வேதனை!”

வியாழன் – அன்னமிட்ட கை. எம்ஜியாரின் சுமாரான படங்களில் ஒன்று. சஎம்ஜிஆரின் அபூர்வமான தோல்விகளில் ஒன்று என்று நினைவு. ஜெ, சோ நடித்திருக்கிறர்கள். “அன்னமிட்ட கை” என்ற பாட்டு உண்டு.

வெள்ளி – இமயம். பார்த்ததில்லை. சிவாஜியின் கடிப்படங்களில் ஒன்று என்று கேள்வி.

இந்த வாரம் சோதனைதான்! படத்தை பார்க்காமல் என் ரெவ்யூக்களை மட்டும் படிக்கலாம்.

Advertisements

பற்றி RV
Proud father of two daughters. Proud husband of one wife. Fanatical reader of books. Passionate about cricket, movies, tamil film music, hindi film music, chess. Like to read about math. Dream about writing one day. Going to succeed with my technical startup some day. Engineer by profession. Live in Silicon valley (Newark)

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

%d bloggers like this: