பணம் படைத்தவன் (Panam Padaitthavan)


1965இல் வெளி வந்த படம். விஸ்வநாதன் ராமமூர்த்தி இசை அமைத்த கடைசி படங்களில் ஒன்று. டி.ஆர். ராமண்ணா இயக்கம். வாலியின் பாடல்கள். எம்ஜிஆரைத் தவிர ஸௌகார் ஜானகி, கே.ஆர். விஜயா, நாகேஷ், டி.எஸ். பாலையா, அசோகன், மனோகர் நடித்திருக்கிறார்கள். நன்றாக ஓடியிருக்கும் என்று நினைக்கிறேன், நிச்சயமாக தெரியாது.

நான் ஆச்சரியப்பட்ட விஷயம் இது ஒரு செண்டிமெண்டல் படமாக இருந்ததுதான். வில்லன்களின் சதி, அவற்றை முறியடிக்கும் திட்டங்கள் எதுவுமே இல்லை. எம்ஜிஆருக்கு சண்டை போடக்கூட பெரிய ஸ்கோப் இல்லை. மனோகருடன் க்ளப்பில் ஒரு சண்டை, அசோகனுடன் கல்யாண மண்டபத்தில் பேருக்கு ஒரு சண்டை, அசோகனுடன் ஒரு க்ளைமாக்ஸ் சண்டை, அவ்வளவுதான். மனோதருக்கும் அசோகனுக்கும் பேருக்கு கூட ஒரு அடியாள் இல்லை. எப்போதும் தென்படும் ஜஸ்டின், குண்டுமணி போன்ற யாருமே இல்லை. எம்ஜிஆர் பணக்கார ஸௌகார் வீட்டு வேலைக்காரி கே.ஆர். விஜயாவை காதலிக்கிறார், தம்பி நாகேஷுக்காக ஸௌகாரையெ கல்யாணம் செய்து கொள்கிறார், நாகரீகத்தின் அபாயங்களை ஸௌகாருக்கும் படம் பார்க்கும் பெண்களுக்கும் எடுத்து சொல்கிறார், தன் தவறுகளை உணரும்போது சரியாக ஸௌகார் இறந்ததும் முகத்தை கையில் புதைத்துக்கொண்டு அழுகிறார், பிறகு கே.ஆர். விஜயாவை அப்பா பாலையாவை எதிர்த்து கல்யாணம் செய்து கொள்கிறார், “எனக்கொரு மகன் பிறப்பான்” என்று பாடுகிறார், பிறந்த மகனை கொடுத்துவிடும் மனைவியை பார்த்து “மாணிக்கத் தொட்டில் இங்கிருக்க” என்று இன்னொரு பாட்டு பாடுகிறார், கடைசியில் ரசிகர்கள் பிழைத்துப் போகட்டும் என்று அசோகனுடன் ஒரு சண்டை போட்டுவிட்டு குடும்பத்தை இணைக்கிறார். பெற்றால்தான் பிள்ளையா ஒன்றுதான் அவரது செண்டிமெண்டல் படம் என்று நினைத்தேன், இதுவும் அந்த ரகம்தான். ஜெமினிக்கும், சிவாஜிக்கும் இந்த கதை நன்றாக பொருந்தி இருக்கும்.

படத்தில் நன்றாக நடித்தது ஸௌகார் ஒருவர்தான். கொஞ்சம் ஈகோ உள்ள பணக்காரக் குடும்பத்து பெண்ணை அவர் கொண்டு வந்தது சிறப்பாக இருந்தது. முதல் இரவில் ஹாஸ்பிடலில் இருக்கும் காதலி கே.ஆர். விஜயாவை பார்க்க எம்ஜிஆர் போய்விடுவார். தான் போவது சரி என்பதற்காக நிறைய வசனமும் பேசுவார். இப்போது பார்த்தால் எம்ஜிஆரை மேல் ஷாவினிஸ்ட் என்று சொல்லிவிடுவார்கள். அடுத்த இரவு ஸௌகார் அந்த வசனங்களை திருப்பி எம்ஜிஆரிடம் சொல்லிவிட்டு க்ளப்புக்கு போவார். அந்த காட்சியில் நன்றாக நடித்திருந்தார். இன்றைய பெண்கள் விசில் அடிக்கலாம்.

சிறு பிள்ளைத்தனம் என்றாலும் எம்ஜிஆரும் நாகேஷும் இரவில் அறையை விட்டு வெளியேற முயற்சி செய்யும் காட்சி எனக்கு பிடித்திருந்தது. அதுவும் இருவரும் தரையில் ஊர்ந்து வந்து ஒருவரை ஒருவர் பார்க்கும்போது நாகேஷ் தந்தால் எடுக்கிறேன் என்று சமாளிக்கும்போது நான் சிரித்தேன்.

அசோகன் இருந்தும் எனக்கு ஏமாற்றம்தான். 10 நிமிஷம்தான் வந்திருப்பார். அவருக்கு கொஞ்சம் சான்ஸ் கொடுத்திருந்தால் நான் குஷியாகி இருப்பேன். “நான்”, “மூன்றெழுத்து” படஙளில் அசோகனை எவ்வளவோ திறமையாக பயன்படுத்தி இருந்த ராமண்ணா இதில் சான்ஸை மிஸ் செய்துவிட்டார்.

7 பாட்டுகள். எல்லாமே நல்ல பாட்டுகள். “பவளக் கொடியிலே முத்துக்கள் பூத்தால்” பாட்டில் எம்ஜிஆரும் கே.ஆர். விஜயாவும் முகலாய உடையில் வந்து ஆடிப் பாடுவது எம்ஜிஆர் ரசிகர்களுக்கு மிகவும் பிடித்த ஒன்று. எல்.ஆர். ஈஸ்வரியின் ஹம்மிங் சூப்பர்! டி எம் எஸ்ஸும் கலக்குவார்.

“கண் போன போக்கிலே” எம்ஜிஆரின் தத்துவ பாட்டு லிஸ்டுகளில் தவறாமல் இடம் பெறுவது. டிஎம்எஸ், வாலியின் நல்ல பாட்டு.

“அந்த மாப்பிள்ளே காதலிச்சான் கையப் புடிச்சான்” எனக்கு மிகவும் பிடிக்கும். சுசீலாவின் குரலில் இருக்கும் ஒரு கொஞ்சல் அபாரம்! டி எம் எஸ் அதற்கு பதில் பாட்டு பாட “ஒஹொஹொ ஒஹொஹொ” என்று ஆரம்பிக்கும் இடம் அருமை. எம்ஜிஆர் சூப்பர் ஸ்டெப் போடுகிறார். Really fancy footwork. கே.ஆர். விஜயா குண்டடிப்பதற்கு முன் நடித்த படம் – நல்ல அழகாக இருக்கிறார், டான்ஸ் ஆடுகிறார்.

“தன்னுயிர் பிரிவதைப் பார்த்தவர் இல்லை” ஒன்றுதான் இன்னும் யூட்யூபில் இருக்கிறது. மிச்ச பாட்டு எல்லாவற்றையும் நீக்கிவிட்டார்கள். இப்போதே பார்த்துக்கொள்ளுங்கள்.

“எனக்கொரு மகன் பிறப்பான்”, “மாணிக்கத் தொட்டில் அங்கிருக்க”, “பருவத்தில் கொஞ்சம்” பாட்டுக்களும் பிரபலமானவையே.

“கண் போன போக்கிலே” பாட்டை இங்கே கேட்கலாம். மற்ற பாட்டுக்களை இங்கே கேட்கலாம்.

பாட்டுக்காக பார்ப்பவர்கள் பார்க்கலாம். நல்ல பாட்டுக்களால் இதற்கு 6/10 மார்க் கொடுக்கிறேன். C grade.

Advertisements

பற்றி RV
Proud father of two daughters. Proud husband of one wife. Fanatical reader of books. Passionate about cricket, movies, tamil film music, hindi film music, chess. Like to read about math. Dream about writing one day. Going to succeed with my technical startup some day. Engineer by profession. Live in Silicon valley (Newark)

4 Responses to பணம் படைத்தவன் (Panam Padaitthavan)

  1. Pingback: அடுத்த வாரப் படங்கள் (Week of Sep 1) « Awarda Kodukkaranga

  2. சாரதா சொல்லுகின்றார்:

    ‘மாணிக்கத் தொட்டில் இங்கிருக்க’ என்ற பாடல் சோகம் ததும்பும் தாலாட்டு பாடல். அருமையான வரிகள். அற்புதமான மெட்டமைப்பு. டி.எம்.எஸ்., சுசீலா மற்றும் ஈஸ்வரி இவர்களின் குரலில் நம்மை மெய் மறக்கச்செய்யும் பாடல்.

    இடையிசைக்கு (INTERLUDE) ஈஸ்வரியின் தாலாட்டை மட்டுமே பயன்படுத்தியிருப்பார் மெல்லிசை மன்னர்.

    தந்தைக்கும் மகனுக்கும் மனவேறுபாடு ஏற்பட்டு, தனியே மனைவியுடன் வாழும் மகன் (எம்.ஜி.ஆர்). கணவனுக்கு தெரியாமல் தங்களின் பிள்ளையை மாமனார் வீட்டில் கொடுத்து விடும் மனைவி (கே.ஆர்.விஜயா). தன் பிள்ளையைக்காணாமல் இவர் இங்கே துடிக்க, அங்கே குழந்தைக்கு கோலாகலாமாக பிறந்தநாள் கொண்டாட்டம் நடக்க, ரொம்பவும் உணர்ச்சி மயமான கட்டம்.

    அதற்கு ஏற்றாற்போல தல் பாடல் வரிகளில் பிண்ணியெடுத்திருப்பார் கவிஞர் வாலி.

    மாணிக்கத்தொட்டில் இங்கிருக்க
    மன்னவன் மட்டும் அங்கிருக்க
    காணிக்கையாக யார் கொடுத்தார்
    அவள் தாயென்று ஏன் தான் பேரெடுத்தாள்

    என்று இவர் பாட… பதிலுக்கு

    மாணிக்கத்தொட்டில் இங்கிருக்க
    மன்னவன் மட்டும் அங்கிருக்க
    காணிக்கையாக ஏன் கொடுத்தேன்
    அது கடமையென்றே நான் கொடுத்தேன்

    என்று அவள் பாட… உணர்ச்சிகளின் போராட்டம். அதில் பெருக்கெடுத்து வருவதுதான் அடுத்த வரிகள்

    கொடியில் பிறந்த மலரை
    கொடி புயலின் கைகளில் தருமோ
    மடியில் பிறந்த மகனை
    தாய் மறக்கும் காலம் வருமோ

    இதற்கு அவள் பதில் என்ன…?

    புகுந்த வீட்டை நினைத்தாள்
    மனை விளங்க நினைத்த பேதை
    பிறந்த மகனை கொடுத்தாள்
    அவள் வகுத்த புதிய பாதை

    (சும்மா சொல்லக் கூடாது. கண்ணதாசனுக்கு சரியான போட்டியாகத்தான் இருந்திருக்கிறார் இந்த ‘தாடிக்காரர்’)

    இடையிசையாக வரும் ஈஸ்வரியின்…

    ஆரீராரீராரோ…ஆரீராரீராரோ…
    ஆராரிராரோ… ஆராரீராரோ…

    சோகப்பாட்டிலும் நமக்கு இதம் கொடுக்கும்…

  3. Pingback: எம்ஜிஆர் லிஸ்ட் « அவார்டா கொடுக்கறாங்க?

  4. gita சொல்லுகின்றார்:

    Why you never watch MGR’S Hit film at all ?
    You better watch his best movies and then give your opinion without partial.

    Rajini had given hit film Batcha and also flop movies like Valli, Baba, Kusalen etc.. but I feel if you criticise Ranjini Movie you won’t consider Batcha at all is that true. Reply
    Although I don’t RAJINI I want to make you to understand ok. good luck

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

%d bloggers like this: