சில நேரங்களில் சில மனிதர்கள்


நடிகை – லக்‌ஷ்மி, சுந்தரிபாய், ராஜசுலோச்சனா, சுகுமாரி, புவனாதேவி, ஜெயகீதா
நடிகர் –  ஸ்ரீகாந்த் (பழைய நடிகர்), நாகேஷ், ஒய்.ஜி. பார்த்தாசாரதி, நீலகண்டன்
கதை – ஜெயகாந்தன்
டைரக்டர் – A. பீம்சிங்

1975ல் பீம்சிங் இயக்கத்தில் வந்தது.  சாகிதய அகடமி பரிசு பெற்ற ஜெயகாந்தனின் கதை. கறுப்பு வெள்ளை படம். ராணி முத்துவில் நாவலாக மிகவும் பரபரப்பாக விற்கப்பட்டது. திரைப்படம் ஒரு அப்ரிட்ஜ்ட் வெர்ஷன் போல் இருக்கிறது.

கல்லூரிப் பெண்ணாக இருக்கும் பொழுதே சோதனைக்கு ஆளாக்கப்பட்ட கங்கா (லக்‌ஷ்மி) தன் மாமாவின் (ஒய்.ஜி.பி) தயாவால் படித்து அட்மினிஸ்ட்ரேட்டிவ் ஆஃபீஸராக பொறுப்பேற்கிறார். அதன் பிறகு ஒரு வலிமையான் பெண்ணாக பரிணமிக்கிறார்.

சிக்கல் வரும்பொழுது அதை சமாளிக்கத் தெரியாத தாய் (சுந்தரிபாய்), கல்லூரி லைப்ரரியில் வேலை செய்யும் ஆர்.கே.யின் (நாகேஷ்) அக்னி பிரவேஷம் என்ற கதையின் மூலமாக தான் இப்படி செய்திருக்கலாமோ என்று வேதனைப்படுவது சிந்தனைத் தடுமாற்றம் கொண்டவர்களின் பலவீனத்தின் குறியீடு. சிறப்பாக வந்திருக்கிறது.

கல்லூரி மேடையில் ஆர்.கே.யிடம் மாணவிகள் விவாதிப்பது முக்கியமான ஒன்று. ஆனால் மேலும் விவாதிப்பார்கள் என்று எதிர்பார்த்துக் கொண்டிருக்கும் பொழுதே ஆர். கே. இறங்கிப் போய்விடுகிறார். மாணவிகளுக்கு ஏமாற்றமோ இல்லையோ, நமக்கு உண்டு. கங்காவின் நிலைமைக்கு காரணமான பிரபுவை 15 வருடங்களுக்கு பின்னர் போனில் சந்திக்கும் பொழுது பெண் சிவாஜி போல் மாறிவிடுகிறார் லக்‌ஷ்மி. (போனை எடுத்தாலே, அதுவும் பல வருடங்களுக்கு பின்னர் ஒருவரிடம் பேசும் பொழுது துடிக்கவேண்டும் என்று நம் நடிகர் நடிகைகளுக்கு யார் சொல்லிக் கொடுத்தார்கள்?) அதை மறந்துவிட்டால் மிக நிதானமான, நேர்த்தியான நடிப்பு. கங்கா பாத்திரத்திற்கு பொறுத்தமானவர். ஜெயகாந்தனின் கங்காவின் மன பிம்பத்தை பீம்சிங் நம்முன் நிருத்தியிருக்கிறார் என்று சொல்லலாம். ”மெட்ராஸ்” பாஷை பேசும் பிரபு (ஸ்ரீகாந்த்) மிடுக்காக ஆங்கிலத்தில் உரையாடுவது வித்தியாசமாக இருக்கிறது. ஆங்கிலம் என்று சொன்னதும் நினைவுக்கு வருவது கால் பங்கு வசனங்கள் ஆங்கிலத்தில் உரையாடப்படுவதே. நிச்சயமாக B, C ஏரியாக்களில் வணிகரீதியாக வெற்றி பெறாமல் போவதற்கும், A செண்டர்களில் சக்கை போடு போடுவதற்கும் விரிக்கப்பட்ட வியூகமாகத் தெரிகிறது. மொத்தத்தில் வெற்றி பெற்றதா? அப்படித்தான் நினைக்கிறேன்.

கங்காவின் வலிமையான ஆளுமைகள் பெண்களுக்கு இன்ஸ்பிரேஷன். தன் மாமாவின் தயவால் முன்னேறி வந்தாலும், அவர் தவறு செய்யும் பொழுது துணிந்து எதிர்த்து நிற்பது கதாபாத்திரத்தை தூக்கி நிறுத்துகிறது. கங்காவிற்கு கிடைத்த மிச்சமுள்ள வாழ்க்கையையும் கெடுப்பது போன்று குடும்பத்தார்கள் குறுக்கிடும் பொழுது, எல்லவற்றையும் உடைத்து எறிவது, மிஸஸ்.இம்மானுவேல் மீது ஆத்திரம் கொள்வது – இயற்கை. கங்கா மீது இரக்கமிருந்தாலும், கங்காவின் அம்மா மீண்டும் மீண்டும் தன் பழமையில் இருந்து வெளியே வர முடியாமல் தவிப்பது, அதனால் கங்காவிடம் கோபம் கொள்வது – யதார்த்தம். வீட்டுக்கு வந்திருக்கும் மாமாவை கிளப்ப கங்கா திருவல்லிக்கேணி அண்ணன் வீட்டுக்கு அம்மாவை அழைக்க வரும் பொழுது ”அத்தை வந்திருக்காங்க” என்று வரும் குழந்தைகளிடம் கனிவாகவும், கண்டிப்பாகவும் வரமுடியாது என்று சொல்வது, மன எழுச்சியில் குழந்தை பாட்டியுடன் அத்தையைப் பார்க்க வாசலுக்கு செல்ல முயலும் பொழுது கணேஷின் (நீலகண்டன்) மனைவி (சுகுமாரி) அதட்டி தடுப்பது, கங்கா கோபித்துக் கொண்டு வந்த அம்மவிடம் உரிமையுடன் கட்டளையிடுவது, போன்ற காட்சிகள் மிக இயற்க்கையாக, நம் வீட்டில் நடப்பது போல் இருக்கிறது.

மாமா மனம் மாறுவது போல் காட்டியிருப்பது புரியவில்லை. இயற்க்கையாக அவர் மிகவும் ஆத்திரம் அடைந்திருக்க வேண்டும் எனத் தோன்றியது.

கான்குபைனாக (concubine) வாழவேண்டிய சூழ்நிலைகள் உருவாக்கப்பட்டால் அப்படியும் வாழமுடியும் என்பது போல் சித்தரிக்கப்பட்டுள்ளது. அதற்கான வாதங்கள் வலிமையாக சொல்லப்பட்டிருந்தாலும் சமுதாய எதிர்ப்பு (வசிதிக்காக?) ஆழமாக சொல்லப்படாதது இப்படத்தின் வீக்னெஸ் என்று நினைக்கிறேன். நாவல் வாசிக்கவில்லை. ஜெயகாந்தன் அதில் இன்னும் தீவிரமாக விவாதித்திருப்பார் என்று தோன்றுகிறது. எனக்கு மிகவும் பிடித்தது கங்காவின் காரக்டரைசேஷன்.

லக்‌ஷ்மிக்கு கங்கா பாத்திரத்தில் திறம்பட பணிபுரிந்ததற்கு தேசிய விருது கிடைத்தது.

இரண்டு பாடல்கள். இரண்டும் தேறவில்லை.

பத்துக்கு ஏழு.

(இந்த திரைப்படத்தின் எக்ஸ்டென்ஷன் “சிறை” என்ற லக்‌ஷ்மி, ராஜேஷ் நடித்தப்படமா?)

மேலும் Dr. கோபாலன் ரவீந்திரன் analysis கீழே:

Part A

Part B

Advertisements

பற்றி Bags
Trying out

8 Responses to சில நேரங்களில் சில மனிதர்கள்

  1. Sridhar Narayanan சொல்லுகின்றார்:

    //இந்த திரைப்படத்தின் எக்ஸ்டென்ஷன் “சிறை” என்ற லக்‌ஷ்மி, ராஜேஷ் நடித்தப்படமா?)//

    இல்லை. அது அனுராதாரமணின் ஒரு சிறுகதை வைத்து எடுக்கப்பட்ட படம் என்று நினைக்கிறேன்.

    சிநேசிம, சிறையும் வேறுபடும் இடங்கள் எது என்றால் – சிறையில் பாதிக்கப்பட்ட பெண் வைப்பாட்டியாக மாறுவதில்லை. அது சினிமா யதார்த்தம். மறுகல்யாணம் செய்ய வேண்டிய பெண்ணிற்கும் முதலிரவு நடத்தாமல் பார்த்துக் கொள்வார்களே… அது மாதிரியான ஒரு கதை.

    சிநேசிம நிறைய கட்டுடைப்புகள் செய்திருப்பார்கள். இன்னும் கொஞ்சம் விறுவிறுப்பாக செய்திருக்கலாம் என்பது என் கணிப்பு.

  2. Ravi சொல்லுகின்றார்:

    ‘Kandadhai Sollugiren..’ was an excellent song from this movie. The mother, Sundhari Bai, shown a wide variety in her acting skills in this movie. I just loved her acting in this.

    Thanks for the Nostalgia..

    • Bags சொல்லுகின்றார்:

      ரவி,
      நன்றி. சரியாப் போச்சு. இத்தனை நாளும் பாட்டினுடையா மெட்டுக்களை வைத்துதான் விமர்சனம் பண்ணிக்கொண்டிருந்தேன். இனிமேல் லிரிக்ஸையும் கணக்கிலெடுத்துக் கொள்ளவேண்டும்.

  3. Rajagopalan சொல்லுகின்றார்:

    Bags, this is one of my all time favourite. remember seeing it for the first time during my CA article days in a god forsaken theatre in rajapalayam in a sweltering evening whild doing cement audit at alangulam.Excellent performance by lakshmi,especially in the place where she bursts out at sundari bhai for retaining her “hair” after father’s demise.and her shock reaction when sundari bhai comes next morning after tonsuring her head.Excellent dialogues…for exzample-the interview scene where they ask lakshmi…what do you know about Ganges and lakshmi says…”Ganges the holy mother washes away our sins”.Good song..”veru idam thedippovalo” penned by jayakanthan himself and well sung by vani.

    I vividly remember my conversation with my tanjore maamiabout the movie and her comment…she said”dialoguei manappadam seyade…company law section i netru pannu….!

    thanks for enabling me to go down the memory lane.

  4. Rajagopalan சொல்லுகின்றார்:

    I did my CA articles in 76-79 with S.Venkatram & co.chennai.Tancem had a regular plant at aalangulam and one was coming up in ariyalur.We did the prelimnary expenses audit for ariyalur unit also.

    I dont remember the theatre or its location.It was a sunday,From Aalangulam, we went By company car(4 of the audit team)to srivilliputhur, had an excellent darshan,gobbled up loads of palgoa,saw the movie at rajapalayam and headed back to the guest house.

    thanks for the information about your appa

    anbudan.

    raju-dubai

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

%d bloggers like this: