மொகலே ஆஸம்


விகடனில் ஒரு ஹிந்தி படத்துக்கு விமர்சனம் வந்திருக்கிறது! புகழ் பெற்ற மொகலே ஆஜம் (செப்டம்பர் 1960) வெளியானபோது விகடனில் வந்த விமர்சனம். நன்றி, விகடன்!

சேகர் – சந்தர்

சந்தர்: சேகர், மொகலே ஆஸம் பார்த்துட்டியா?

சேகர்: பார்க்காமல் இருப்பேனா? தயாரிப்பாளர் ஆஸிப்பின் சாதனை அபாரம்தான்!

சந்தர்: அனார்கலி கதைதானே!

சேகர்: ஆமாம், ஆனால் முடிவை புது மாதிரியாகச் செய்திருக்காங்க. அதாவது, அக்பருடைய பெருமையை நிலைநாட்ட, அனார்கலியை கடைசியிலே சமாதியிலிருந்து அக்பரே தப்பிக்க வைக்கறதா காட்டறாங்க.

சந்தர்: ஓகோ! அனார்கலி கதைன்னா டிராஜிடியாகத்தான் இருக்கணும் என்கிற அபிப்பிராயத்தை மாற்றிப் புதுமையைப் புகுத்தியிருக்காங்களா?

சேகர்: ஆமாம், அதோடு இன்னும் பல புதுமைகள், அதிசயங் கள் இருக்கு. இந்தப் படத்தில் வர யுத்தக் காட்சியைப் போல இது வரை எந்த இந்தியப் படத்திலே யும் நான் பார்த்ததில்லே. அதே மாதிரி கண்ணாடி மாளிகை செட் ஒண்ணு போட்டிருக்காங்க. கண்கொள்ளா சீன்தான் அது!

சந்தர்: கலர் படமா?

சேகர்: முழுப் படமும் கலர் இல்லே. சில காட்சிகளைத்தான் கலரிலே எடுத்திருக்காங்க. அதுவும் ஷீஷ் மகால்லே நடக்கிற நடனத்தை, மாளிகையில் பதித்திருக்கிற அத்தனை கண்ணாடிகளிலும் பார்க்கிற போது, ‘ஆகா’ என்று நம்மை அறியாமலே சொல்லிவிடுகிறோம்.

சந்தர்: நடிப்பெல்லாம் எப்படி சேகர்?

சேகர்: பிருத்விராஜ் அக்பரா நடித்திருக்கிறார்; இல்லை, அக்பராகவே ஆகிவிடுகிறார். அவர் அதிகமாகப் பேசவில்லை. அவர் கண்கள்தான் பேசுகின்றன. அந்த நடையும், பார்வையும், பேச்சும்… அற்புதம் சந்தர்! அனார்கலியாக மதுபாலா வருகிறார். காதல் காட்சிகளில் மிக அழகாக விளங்குகிறார். நடிப்பும் நன்றாகத்தான் இருந்தது. சலீமாக திலீப் குமார் தோன்றுகிறார். இந்தப் படத்தில் அவருக்கு அதிக வேலையே இல்லை. கொடுத்த பாகத்தை நன்றாகவே செய்திருக்கிறார்.

சந்தர்: ஹிந்துஸ்தானி சாஸ்திரீய சங்கீதமோ?

சேகர்: இதென்ன கேள்வி? நௌஷத் சங்கீதமாயிற்றே! எல்லாம் ரியலிஸ்டிக்கா இருக்க வேண்டும் என்பதற்காக ஆஸிப் ரொம்பப் பாடுபட்டிருக்கிறார். கடைசியிலே அனார்கலியைத் தப்ப வைப்பதற்காக எடுக்கப்பட்ட காட்சி சரியாக இல்லை. ஆனால் பல லட்சம் செலவழித்து, பல வருஷம் சிரமப்பட்டு எடுக்கப்பட்டிருக்கிற இந்தப் படத்திலே இது போன்ற சிறிய குறைகளைச் சொல்லத் தோன்றவில்லை.

சந்தர்: அப்போ, பார்க்கவேண்டிய படம்தான் என்று சொல்லு!

சேகர்: அதில் என்ன சந்தேகம், பிரம்மாண்டமான இந்தப் படத்தைத் தயாரித்த ஆஸிப், இந்தியத் திரைப்பட உலகிற்கே ஒரு மாபெரும் சேவை செய்திருக்கிறார். ஒவ்வொரு இந்தியனும் கட்டாயம் பார்த்துப் பெருமைப்பட வேண்டிய படம் இது.

சிறந்த இந்திய படங்கள் என்று யாராவது லிஸ்ட் போடும்போது அதில் சாதாரணமாக மொகலே ஆஜம் இடம் பெறுவதைப் பார்க்கலாம். பிரிட்டிஷ் ஃபில்ம் இன்ஸ்டிட்யூட் தேர்வு, T20 of Indian Cinema தேர்வு இரண்டிலும் இது சேர்க்கப்பட்டிருக்கிறது.

தொகுக்கப்பட்ட பக்கம்: படங்களின் பட்டியல்

தொடர்புடைய பதிவுகள்:

இந்திய சினிமா T20 – 20 சிறந்த இந்தியப் படங்கள்
பிரிட்டிஷ் ஃபில்ம் இன்ஸ்டிட்யூட் தேர்வுகள் – சிறந்த இந்திய சினிமா
Advertisements

பற்றி RV
Proud father of two daughters. Proud husband of one wife. Fanatical reader of books. Passionate about cricket, movies, tamil film music, hindi film music, chess. Like to read about math. Dream about writing one day. Going to succeed with my technical startup some day. Engineer by profession. Live in Silicon valley (Newark)

One Response to மொகலே ஆஸம்

  1. srinivas uppili says:

    சுஜாதாவின் – ‘கற்றதும் பெற்றதுமி’ லிருந்து
    —————————————–
    ‘முகலே ஆஸம்’ படத்தின் புதிய கலர் பதிப்பின் அதிகாரப் பூர்வ டிவிடி – யைப் பார்க்க நேர்ந்தது (நன்றி -ஏ.வி.எம்.குமரன்). கே.ஆஸிப் 1944 ல் ஆரம்பித்த படம் இது. முக்கிய நடிகர் ஹார்ட் அட்டாக்கில் இறந்து போய், முக்கிய தயாரிப்பாளர் பாகிஸ்தானுக்குக் குடிபெயர்ந்து விட, நட்டாற்றில் தயாரிப்பாளரை மாற்றி, திணறித் திணறி 1956 வரை இழுத்தடித்து முடித்த போது, டெக்னிக் கலர் வந்து விட்டது. டெக்னிக் கலரில் மூணு ரீல் எடுத்தார். விளைவைப் பார்த்து வியந்து, முழுப் படத்தையும் மறுபடி கலரில் எடுக்கிறேன் என்று பிடிவாதம் பிடித்தாராம் ஆஸிப். அந்த ஆசையை நிராகரித்து, ஒரு வழியாக முக்கால்வாசி கருப்பு வெள்ளையிலும், கால்வாசி கலரிலுமாக 1970 -ல் வெளிவந்தது படம்.

    நௌஷத்தின் அபார இசையும், மதுபாலா, திலீப் குமாரின் அடக்கி வாசித்த நடிப்பும், பிருத்விராஜ் கபூரின் ஆரவார நடிப்பும், பாலி மிஸ்த்ரியின் படப்பிடிப்பும், பதினைந்து லட்சம் கண்ணாடிகள் பதித்த ஷீஷ்மஹால் செட்டும் (அப்போதெல்லாம் கின்னஸ் கிடையாதா ?), திருப்பங்கள் நிறைந்த திரைக்கதையும், அலங்கார உருது வசனங்களும், பிரம்மாண்டமான காட்சிகளும் ஒத்துழைத்து, அந்தப் படம் பெரிய வெற்றி பெற்றது. அறுபது ஆண்டுகள் ஆனபின், 2004 -ல், ஆசிபின் கலர் கனவு, டிஜிட்டல் டெக்னாலஜி மூலம் நனவாகி இருக்கிறது. பழைய படத்தின் ‘டூப்’ (dupe) நெகடிவ்’ வை கீறல்களை நீக்கி, ஒவ்வொரு பிரேமையும் சுத்தப்படுத்தி, டிஜிட்டல் பிரிண்ட் எடுத்து, கலரைசர் மென்பொருள் மூலம் பொருத்தமான வண்ணங்களை உறுத்தாமல் சேர்த்து, பிரம்மாண்டமான கலர் படமாக வெளியிட்டபோது, மறைந்த ஆசிபின் திறமை மறுபடியும் நிரூபணமாகியது.

    தற்போது, நவீன் மென்பொருள்கள் விந்தைகள் புரிந்தாலும், ‘முகலே ஆஸம்’ போன்ற பழைய படங்களுக்கு கலர் வைப்பதற்கு, இன்றும் கொஞ்சம் செலவு அதிகம்தான்.. அதற்குப் புதுசாக எடுத்து விடலாம்.

    மக்லூஹன் சொன்னது மீண்டும் மீண்டும் ஊர்ஜிதமாகிறது….. எல்லா புதிய டெக்னாலஜியும் பழசைப் புதுப்பிக்கிறது !!

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

%d bloggers like this: