பல்லாக்கு வாங்கப் போனேன் (பணக்கார குடும்பம்) – பாடல் பிறந்த கதைகள் 7


சாரதா இன்னொரு பாடல் பிறந்த கதையை அனுப்பி இருக்கிறார்.

தன்னிடம் ஒரு அம்பாஸிடர் கார் இருந்தும், தன் நண்பரொருவர் வைத்திருந்த வெளிநாட்டுக்கார் மீது கண்ணதாசனுக்கு ஆவல். நண்பரும் அதை விற்கப் போகிறார் என்பதைக் கேள்விப்பட்ட கவிஞர், அதைத் தனக்கே தரவேண்டுமென்று விலையும் பேசிவிட்டார். முழுப் பணமும் கொடுக்க கண்ணதாசனிடம் பணமில்லை. எனவே மூன்றில் ஒரு பங்கு பணம் அப்போதே தருவதாகவும், பாக்கியை விரைவில் தந்துவிடுவதாகவும் சொல்ல ந்ண்பரும் சம்மதித்தார். அது முதல் கவிஞர் அந்தக் காரை தன்னுடைய கார் போலவே கனவு காணத் துவங்கினார். மறுநாள் காலை நண்பரிடம் இருந்து வெளிநாட்டுக் காரை எடுத்து வருவதாக ஏற்பாடு.

ஆனால் முதல் நாள் அந்த நண்பரின் மற்ற நண்பர்கள் சிலர், ‘கண்ணதாசன் கொடுக்கல் வாங்கலில் ரொம்ப மோசமென்றும், அவருக்கு ஊரைச் சுற்றி நிறைய கடன் இருப்பதாகவும், எனவே நண்பரின் பாக்கிப் பணம் வசூலாவது கடினம்’ என்றும் சொல்ல நண்பர் உஷாரானார்.

‘இந்தியாவின் ஜனாதிபதியைப் போல சம்பாதித்து ம்கூட, இந்தியாவைப் போல கடன் வாங்கியவர் கண்ணதாசன்‘ என்று கவிஞரைப் பற்றி ஒரு சொல்வழக்கு உண்டு.

மறுநாள் காலை கவிஞர் குளித்து, உணவருந்திவிட்டு, வண்டியை எடுத்து வர தன் ஓட்டுனருடன் நண்பர் வீட்டுக்குச் செல்ல, நண்பரோ குண்டைத் தூக்கிப் போட்டார். ‘அந்த கார் தனக்கு ராசியானது என்றும், அதை விற்க தன் மனைவிக்கும் மற்றவர்களுக்கும் விருப்பமில்லை’ என்றும் கூற, கவிஞர் ஏமாற்றத்துடன் வீடு திரும்பினார். தான் ஆசைப்பட்டு தனதாகவே நினைத்திருந்த கார் தனக்கு கிடைக்கவில்லையே என்ற வருத்தம் அவர் மனதில் தங்கியிருந்தது.

அன்று பிற்பகல் இரண்டு மணிக்கு, இயக்குனர் ராமண்ணா இயக்கத்தில் எம்.ஜி.ஆர். நடித்து வந்த ‘பணக்கார குடும்பம்’ படத்துக்கு ஒரு சோகப் பாடல் எழுத அமர்ந்த கவிஞருக்கு அன்று காலை நடந்த சம்பவம் மனதைக் குடைய, பல்லவியை இப்படி துவங்கினார்…

பல்லாக்கு வாங்கப்போனேன் ஊர்வலம் போக – நான்
பாதியிலே திரும்பி வந்தேன் தனிமரமாக

சூழ்நிலைகளை தன் பாடலுக்குள் புகுத்திக்கொள்வதில் கவிஞருக்கு நிகர் அவர்தான்.

அவனுக்கென்ன தூங்கிவிட்டான் (பெரிய இடத்துப் பெண்) – பாடல் பிறந்த கதை 6


இந்த சீரிஸில் என் பங்குக்கு ஒன்று.

நல்லி குப்புசாமி செட்டியார் எம்எஸ்விக்கு ஏதோ விருது கொடுக்கும் நிகழ்ச்சியில் இதை சொல்லி இருக்கிறார் – இரவெல்லாம் ரெகார்டிங் முடித்துவிட்டு எம்எஸ்வி களைத்துப் போய் தூங்கிவிட்டாராம். ஆனால் அவருக்கு காலை ஏழு மணிக்கு கண்ணதாசனோடு அடுத்த ரெகார்டிங் இருந்திருக்கிறது. எம்எஸ்வி எழுந்து அவசர அவசரமாக ஸ்டுடியோவுக்கு போய்ச் சேரும்போது ஒன்பது மணி ஆகிவிட்டதாம். கண்ணதாசன் ஒரு பேப்பரில் இந்தப் பாட்டை எழுதி வைத்துவிட்டுப் போய்விட்டாராம் – அவனுக்கென்ன தூங்கிவிட்டான் அகப்பட்டவன் நான் அல்லவா?

ஹிந்துவிலிருந்து:

After a recording that went on till the wee hours of the morning, the composer came home and hit the sack to catch some sleep before he left for the next recording at 7. When he woke up and rushed to the studio it was 9. But by then Kannadasan, who was to provide the lyric, had left leaving a sheet of paper behind. On it were the lines to be tuned – ‘Avanukkenna Thoongi Vittaan Agapattavan Naan Allava’ – a dig at the composer for having overslept! This and a couple of other anecdotes from MSV’s life, which Nalli Kuppuswamy Chetti narrated, were enlivening.

என்ன படம், யாருக்காவது நினைவிருக்கிறதா?பெரிய இடத்துப் பெண் திரைப்படத்தில் இடம் பெற்ற பாடல்.

தொகுக்கப்பட்ட பக்கம்: பாட்டுகள்

தொடர்புடைய சுட்டி:
ஹிந்து கட்டுரை
பெரிய இடத்துப் பெண்

லேட்டஸ்ட் 5 பாடல் பிறந்த கதைகள்:
விஸ்வநாதன் வேலை வேணும்
சொன்னது நீதானா
கேட்டவரெல்லாம் பாடலாம்
என்னை யாரென்று எண்ணி எண்ணி
அண்ணன் காட்டிய வழியம்மா